जस्ट फॉर हार्ट्सतर्फे ऑनलाइन कार्यशाळा

जस्ट फॉर हार्ट्सतर्फे ऑनलाइन कार्यशाळा

पिंपरी, ता. २४ : ‘जस्ट फॉर हार्ट्स’ या संस्थेच्या वतीने ‘आरोग्य व्यवस्थापन आणि चुकीच्या जीवनशैलीमुळे होणारे आजार’ यावर व्हिडिओ सल्ला आणि सामुदायिक जनजागृतीच्या माध्यमातून विनामूल्य कार्यशाळा पार पडली. त्यामध्ये मधुमेह, ब्लडप्रेशर, वजन नियंत्रण, योग्य आहार, योगासने, हेल्दी रेसिपीज अशा विविध विषयांवर ऑनलाइन माध्यमातून महिलांनी कार्यशाळेमध्ये सहभाग नोंदवला.

आहारतज्ज्ञ नेहा काटेकर यांनी हेल्दी स्मूदीविषयी माहिती व प्रत्यक्ष सादरीकरण केले. घाईच्या वेळेस किंवा आठवड्यातून काही वेळा जेवणाऐवजी वेगवेगळ्या स्मूदी घेऊन आरोग्य कसे चांगले ठेऊ शकतो, तसेच रात्रपाळीत काम करणाऱ्यांसाठी त्या कशा लाभदायक आहेत याविषयी काटेकर यांनी सविस्तर मार्गदर्शन केले. सहभागी सदस्यांना स्मुदी रेसिपीचे पुस्तक देण्यात आले. जस्ट फॉर हार्ट्सच्या सोशल मीडियाच्या अकाउंटवर कार्यशाळेबाबत सविस्तर माहिती देण्यात आली आहे.