‘सांस्कृतिक भवनाचे काम सुरू करावे’

आकुर्डी, ता. २३ : आकुर्डीमधील खंडेराय भाजी मंडई जवळ असेलेल जुने कर संकलन ऑफिसच्या जागेवर मनपाच्या वतीने नवीन सांस्कृतिक भवन बांधण्यात येणार आहे. पण, अजून नवीन सांस्कृतिक भवन बांधण्याच्या कामाला सुरुवात करण्यात आली नाही. बरेच वर्ष झाले जुने कर संकलन ऑफिसची इमारत बंद पडून आहे. नवीन सांस्कृतिक भवनचे बांधकाम कधी सुरू होणार याची विचारणा आकुर्डीमधील अनेक नागरिकांनी तसेच निखिल उमाकांत दळवी ‘अ’ क्षेत्रीय कार्यालय स्थापत्य विभाग अधिकारी यांच्याकडे केली. परंतु, मनपाकडे या कामाकरिता तरतूद नसल्याचे त्यांच्याकडून सांगण्यात आले.

‘‘आकुर्डी येथील जागेवर सांस्कृतिक भवन बांधण्याच्या कामाला चालना मिळण्याकरिता सांस्कृतिक भवनाचे काम सुरू करण्यात आर्थिक तरतूद द्यावी, या सांस्कृतिक भवनाचे काम लवकरात लवकर सुरू करावे.

- निखिल दळवी
- संस्थापक/अध्यक्ष, विठ्ठल प्रतिष्ठान