भोसरी, ता. २० : टाळ मृदंगांचा गजर, ‘ज्ञानोबामाउली...तुकाराम...’ नामघोष, ढोलताशांचा दणदणाट, फटाक्यांची आतषबाजी, रांगोळीच्या पायघड्या, पावसाच्या हलक्या सरी, दर्शनासाठी भाविकांची अलोट गर्दी आणि जागोजागी फुलांचा वर्षाव अशा वातावरणात संत तुकाराम महाराज पालखीचे भोसरीत स्वागत झाले.
रविवाारी दुपारी बारा वाजता लांडेवाडी चौकात आगमन झाले. वारकऱ्यांना महाप्रसाद देण्यात आला. अडीच तास विश्रांतीनंतर सोहळा आळंदीकडे निघाला. ठिकठिकाणी रथावर फुलांचा वर्षाव केला. छत्रपती शिवाजी महाराज स्मारकाजवळ रथाच्या बैलजोडीला विश्रांती देऊन पाणी-चारा देण्यात आला.
वडमुखवाडीतील थोरल्या पादुका मंदिरात पादुकांना पुष्पहार, तुळशीहार, श्रीफळ, पेढे व शेंगदाण्याचा प्रसाद चढवला. आरती झाली. वारकऱ्यांनी रिंगण करत फुगड्यांचा आनंद घेतला. भूषण खंडारे, अशोक जावळे, डॉ. धीरज सुरळकर, दर्शन शिंदे, ईशा शिंदे, सारस शिंदे, वेदांत जावळे आदींनी पालखी मार्गावर रांगोळीच्या पायघड्या घातल्या.
---
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.