ऐन भाऊबीजेला वीजपुरवठा ठप्प

चिंचवड, ता. २४ : चिंचवड परिसरात गुरुवारी (ता.२३) वाऱ्यांसह पाऊस झाला. यामुळे दळवीनगर, इंदिरानगर तसेच प्रेमलोक पार्क परिसरातील वीजपुरवठा खंडित झाला होता. सायंकाळी सहाच्या सुमारास वीज गेल्यानंतर नागरिकांनी तत्काळ महावितरणला संपर्क साधला असता, तांत्रिक बिघाड झाल्याची माहिती देण्यात आली. जोरदार वारा व वादळी पावसामुळे असे प्रकार वारंवार घडतात. त्यामुळे कामे खोळंबून राहतात. यावेळीही भाऊबीज होती. त्यात वीज नसल्याने नागरिकांची गैरसोय झाली. काही परिसरांमध्ये रात्री आठ ते नऊच्या सुमारास वीजपुरवठा सुरळीत झाला; मात्र दळवीनगर परिसरात फीडरवरील काम सुरू असल्यामुळे रात्री अकरा वाजेपर्यंतही अंधार कायम होता.