इंदोरीत शंभर टक्के निकालाची परंपरा कामय

इंदोरी ः येथील प्रगती विद्यामंदिर व आ. ना. काशीद पाटील उच्च माध्यमिक विद्यालयाचा १०० टक्के निकाल लागला आहे. या विद्यालयात वाणिज्य शाखा असून २३ विद्यार्थी परीक्षेस प्रविष्ट झालेले सर्वच २३ विद्यार्थी उत्तीर्ण झाले आहेत. १०० टक्के निकालाची परंपरा कायम राखली आहे. विद्यालयात रणवीर राठोड प्रथम (७५.८३ टक्के) आला असून, अमृता सपकाळ द्वितीय (७१) तर सानिया शेख तृतीय (६७.१७) क्रमांकाने उत्तीर्ण झाले आहेत. यशाबद्दल शालेय व्यवस्थापन समितीचे अध्यक्ष दामोदर शिंदे यांनी प्राचार्य चंद्रकांत धनवे, पर्यवेक्षक सुदाम वाळूंज, उच्च माध्यमिक विभाग प्रमुख स्वेता मोहिते आणि शिक्षकवृंदांचे तसेच यशस्वी विद्यार्थ्यांचे अभिनंदन केले.