आषाढी एकादशीनिमित्त भंडारा डोंगरावर भक्तिसोहळा

इंदोरी, ता. ११ ः आषाढी एकादशीनिमित्त श्री क्षेत्र भंडारा डोंगरावर दोन
दिवस भक्तिमय सोहळा उत्साहात झाला. पहाटे पाचला चिंचवड येथील उद्योजक किरण आहेर व कुटुंबीयांचे हस्ते पांडुरंग व संत तुकाराम महाराजांच्या मूर्तीची अभिषेक व महापूजा पार पडली. सकाळी १० ते १२ या वेळेत मनोहर महाराज ढमाले मामा यांची कीर्तनसेवा घडली.
आहेर यांच्यावतीने आकर्षक रंगीबेरंगी फुलांची सजावट करण्यात आली होती. रात्री इंदोरी, सुदवडी व जांबवडे भजन जागर सेवा झाली. द्वादशीच्या दिवशी पहाटे महापूजा उद्योजक दिलीप ढोरे व शांताराम कराळे यांच्या हस्ते झाली. सकाळी ९ ते१० जोपाशेठ पवार यांची प्रवचनसेवा झाली व त्यानंतर सर्व भाविक भक्तांनी महाप्रसादाचा लाभ घेतला. देवस्थानचे अध्यक्ष बाळासाहेब काशीद यांनी प्रास्ताविक केले. संदीप पवार यांनी सूत्रसंचालन केले. दिलीप ढोरे यांनी आभार मानले.
----------------------------------
आषाढी एकादशीनिमित्त भंडारा डोंगरावरील मंदिराची आकर्षक फुलांची सजावट.
फोटो ः 01812