ज्ञानयज्ञ प्रवचन सोहळ्याचे इंदोरीत आयोजन

इंदोरी, ता. २७ ः हनुमान जन्मोत्सवा निमित्त श्री हनुमान मित्र मंडळ व भजनी मंडळ इंदोरी यांच्यावतीने ३१ मार्च ते ६ एप्रिल अखेर ज्ञानयज्ञ प्रवचन व हरिभजन सोहळ्याचे आयोजन करण्यात आले आहे.
या कालावधीत हनुमान मंदिरात पहाटे ४ ते ६ काकड आरती, सायंकाळी ५ ते ६ हरिभजन, सायं. ६.३०
ते ८ ज्ञानयज्ञ प्रवचन व रात्री १० ते १२ हरिभजन अशा दैनंदिन धार्मिक कार्यक्रमांचे आयोजन करण्यात आले आहे. ३१ मार्च ते ५ एप्रिल अखेर अनुक्रमे तुषार महाराज दळवी (भाजे), महादेव महाराज शिंदे (आळंदी), जयश्री महाराज येवले (पाचाणे), यतीराज महाराज लोहर (दारुंब्रे), दिलीप महाराज खेंगरे (भाजे) व वैभव महाराज गाढवे (राजगुरुनगर) यांच्या प्रवचन सेवेचा लाभ होणार आहे. तर शनिवार १ एप्रिल रोजी
स. ११ वा. स्वहस्त लिखित ग्रंथराज ज्ञानेश्वरी वही पूजन रवींद्र महाराज ढोरे यांचे हस्ते होऊन त्यांची प्रवचन सेवा होणार आहे. तर ६ एप्रिल रोजी पहाटे ५ ते ७ पर्यंत बबन महाराज शेवकर यांचे हनुमान जन्मावर कीर्तन होऊन
त्यांच्या उपस्थितीत हनुमान जन्मसोहळा संपन्न होणार आहे.