किवळे, वाल्हेकरवाडीत शाळापूर्व तयारी मेळावा

किवळे, ता. २८ : महापालिकेच्या येथील शाळा क्र. ९६ मध्ये शाळापूर्व तयारी मेळावा उत्साहात पार पडला. शाळेतील शिक्षकांनी विविध स्टॉल लावून गणन पूर्व तयारी, अंक ओळख, बौद्धिक विकास, भावनिक विकास व क्षमता यांचे खेळ घेतले. पर्यवेक्षक राजेंद्र कांगुडे, मुख्याध्यापक सुनंदा अस्वार तसेच शाळा व्यवस्थापन समिती अध्यक्ष, ग्रामस्थ पालक बहुसंख्येने उपस्थित होते. शिक्षक, बालवाडीताई व अंगणवाडीताईंनी सहकार्य केले. वाल्हेकरवाडी येथील महापालिकेच्या शाळेत नव्याने प्रवेश घेतलेल्या विद्यार्थ्यांचा शाळा पूर्व मेळावा उत्साहात पार पडला. उद्घाटन येथील शिवसेना महिला आघाडीच्या ज्योती भालके यांनी मेळाव्यात लेझीमद्वारे मुलांचे स्वागत आणि औक्षणही केले, अशी माहिती मुख्याध्यापिका उज्वला ढमढेरे यांनी दिली.