कामशेत परिसरात वारंवार बत्तीगूल

कामशेत, ता. २७ ः पावसाळ्यात नाणे मावळात वीज पुरवठा खंडित होणे, ही नवीन बाब नाही. परंतु वीज, वारा व पाऊस हे काहीही नसताना दररोज आठ-दहा तास वीज नसते. याशिवाय रात्रीच्या वेळी वीज ये-जा करते. त्यातून विजेची उपकरणे बिघडण्याची प्रकरणे वाढू लागली आहेत. कामशेतसह परिसरातील विद्यार्थी, दुकानदार, हॉटेलमालक, कॉम्पुटर क्लासेस, डॉक्टर तसेच सर्वसामान्य नागरिक त्रासलेले आहेत. यामध्ये प्रामुख्याने कामशेतमधील व्यापारी हैराण झाले आहेत. पाऊस, वारा आदी नैसर्गिक आपत्ती काहीही नसताना महावितरण रोज वीज का घालवत आहेत, हा नागरिकांना प्रश्न पडत आहे.