रावेतमधील खड्डेमय रस्त्यांपासून सोसायट्यांच्या रहिवाशांची सुटका

रावेत, ता.२० : रावेत येथील रुनाल गेटवे आणि रुनाल स्पेशिओ परिसरातील रस्त्यांचे युद्धपातळीवर डांबरीकरण केले जात आहे. त्याने रस्ते वाहतुकीस सुरक्षित आणि सुलभ होणार असल्याने नागरिकांमध्ये समाधानाचे वातावरण आहे.
रुनाल गेटवे आणि रुनाल स्पेशिओ परिसरातील रस्त्यांची अवस्था अत्यंत वाईट झाली होती. मोठमोठे खड्डे, धूळ आणि पावसातील चिखल यामुळे ज्येष्ठ नागरिक, महिला आणि लहान मुलांना ये-जा करताना मोठा त्रास सहन करावा लागत होता.
या भागांतील विविध सोसायट्यांच्या सदस्यांनी महानगपालिका अधिकारी यांच्याशी संपर्क साधून तक्रार मांडली. त्या तक्रारीची तत्काळ दखल घेत संबंधित महापालिका अधिकाऱ्यांशी चर्चा करून रस्त्याच्या डांबरीकरणाचे काम सुरू केले. सध्या पूर्ण रस्त्याचे डांबरीकरणाचे काम युद्धपातळीवर सुरू आहे.
स्थानिक रहिवासी संजीवन गायकवाड म्हणाले, ‘‘आमच्या सोसायटीमध्ये येण्यासाठी खूप कसरत करावी लागत होती. कारण या रस्त्यावर मोठ्या प्रमाणात खड्डे पडले होते. त्यामुळे आम्ही देखील त्रासलो होतो. महापालिका प्रशासनाने त्याची दखल घेऊन दुरुस्ती केली. त्यामुळे आम्हाला आनंद होत आहे.