डोळसनाथ महाराज मंदिरात विविध धार्मिक कार्यक्रम

तळेगाव दाभाडे, ता. ४ : येथील ग्रामदैवत श्री डोळसनाथ महाराज मंदिरात अक्षय तृतीया दिनी रुद्रयाग, चंदन उटीनिमित्त विधी धार्मिक कार्यक्रमांचे आयोजन करण्यात आले होते. परंपरेनुसार हा विधी केला जातो. सकाळी श्रींची महापूजा व अभिषेक, श्रींची चंदन उटी,
रुद्रयाग होमहवन करण्यात आले. श्री डोळसनाथ महिला भजनी मंडळाच्या वतीने भजन, हरिपाठ करण्यात आला. काळभैरवाअष्टक पठण व दीपमाळ प्रज्वलन झाले. रामायणाचार्य उद्धव महाराज अटाळीकर विदर्भ यांचे प्रवचन झाले. श्रींची आरती झाली. महाप्रसादाचे वाटप करण्यात आले. श्री डोळसनाथ महाराज मंदिर ट्रस्ट, श्री डोळसनाथ तालीम मंडळ, श्री डोळसनाथ महाराज उत्सव समिती, सर्व भजनी मंडळे, गणेश मंडळे व समस्त गावकरी यांच्या वतीने हा कार्यक्रम झाला.