सुप्रिया वाल्हेकर यांचा सत्कार

जुनी सांगवी, ता. १२ ः वाल्हेकरवाडी येथील सामाजिक कार्यकर्त्या सुप्रिया भरत वाल्हेकर यांना महिला सक्षमीकरण व क्रीडा क्षेत्रातील योगदानासाठी नुकतेच ‘सकाळ आयडॉल ऑफ महाराष्ट्र’ या पुरस्काराने सन्मानित करण्यात आले. हा पुरस्कार सुप्रिया वाल्हेकर यांना मिळाल्याबद्दल समस्त वाल्हेकरवाडी ग्रामस्थांच्या वतीने त्यांचा सत्कार करण्यात आला.

विविध क्रीडा क्षेत्रांत खेळाडू घडविण्याचे काम सुरू असल्याचे वाल्हेकर यांनी यावेळी नमूद केले.
कार्यक्रमास दोनशेहून अधिक नागरिक, क्रीडाप्रेमी उपस्थित होते. उपस्थितांचे भरत वाल्हेकर, स्मिता वाल्हेकर, स्मिता स्पोर्ट्स ॲकॅडमी व बालाजी कला क्रीडा ट्रस्ट यांच्यावतीने आभार मानण्यात आले.
----------------------------
वाल्हेकरवाडी : सुप्रिया वाल्हेकर यांना पुरस्कार मिळाल्याबद्दल ग्रामस्थांच्या वतीने सत्कार करण्यात आला.