पिंपळे गुरवच्या चौकातील चिखल तातडीने हटवला

पिंपळे गुरव, ता. ३० ः ‘पिंपळे गुरवच्या चौकात लाल मातीचा चिखल’ या शीर्षकाखाली बातमी शनिवारी प्रसिद्ध झाली होती. त्याची दखल घेत चौकातील चिखल हटवण्यात आला आहे.
पिंपळे गुरव येथील कांकरिया गॅस गोडाऊनच्या चौकात गेल्या पंधरा दिवसांपासून चिखलयुक्त लाल मातीने चौक निसरडा झाला होता. त्यामुळे गाड्या घसरून अनेक वाहनांना अपघातही झाला होता. ''ह'' प्रभाग अभियंता मनोज शेठीया यांनी बातमीची तत्पर दखल घेऊन लगेचच चौकातील चिखलयुक्त लाल माती काढली. त्यामुळे चौकाने मोकळा श्वास घेतला असून, नागरिकांना दिलासा मिळाला.