पिंपळे निलख मध्ये अण्णा भाऊ साठे जयंती उत्साहात साजरी

अण्णा भाऊ साठे जयंतीनिमित्त
पिंपळ निलखमध्ये कार्यक्रम

पिंपळे गुरव, ता. ३ : साहित्यातून अन्यायाला वाचा फोडणारे आणि कष्टकऱ्यांच्या हक्कांसाठी झगडणारे लोकशाहीर अण्णा भाऊ साठे यांची जयंती पिंपळे निलख येथे जय मल्हार मित्र मंडळ व लहुजी ग्रुप यांच्यावतीने मोठ्या उत्साहात साजरी करण्यात आली.
पिंपळे निलख येथील ज्येष्ठ नागरिकांना जय मल्हार मित्र मंडळाच्यावतीने सांगवी पोलिस ठाण्याचे वरिष्ठ पोलिस निरीक्षक सुनील टोणपे यांच्या हस्ते वनऔषधी वनस्पती रोपांचे वाटप करण्यात आले. या वेळेस शालेय विद्यार्थ्यांसाठी जादूचे प्रयोग व खाऊ वाटप करण्यात आले.
जय मल्हार मित्र मंडळाच्यावतीने अण्णा भाऊंच्या प्रतिमेचे पूजन करून त्यांना अभिवादन करण्यात आले. या वेळी मंडळाचे अध्यक्ष माणिक भांडे, सचिन साठे, पृथ्वीराज साठे, नितीन इंगवले, पांडुरंग इंगवले, पवन कामठे, संकेत चोंधे आदी उपस्थित होते.

फोटो ः जय मल्हार मित्र मंडळातर्फे वनौषधी वनस्पतींचे वाटप करण्यात आले.
फोटो ः 00413