जिल्हा रुग्णालयात दिवाळीनिमित्त फराळाचे वाटप

पिंपळे गुरव, ता. ३१ ः नवी सांगवी येथील जिल्हा रुग्णालयात दिवाळीनिमित्त जिल्हा रुग्णालय प्रशासनाच्यावतीने पुरुष सर्जिकल आणि पुरुष आर्थो कक्षातील रुग्णांना दिवाळी फराळाचे वाटप करण्यात आले. या उपक्रमात जिल्हा शल्यचिकित्सक डॉ. नागनाथ यम्पल्ले, सहायक शल्यचिकित्सक डॉ. क्रांती राऊत, सर्जन डॉ. रेखा पेटकर, डॉ. अनिल बिराडे, डॉ. अमित बनशेट्टीवाल तसेच, सिस्टर इंचार्ज प्रियांका जाधव यांच्या हस्ते फराळाचे वाटप करण्यात आले.

यावेळी शल्यचिकित्सक डॉ. नागनाथ यम्पल्ले म्हणाले, ‘‘दिवाळी हा आनंद, प्रकाश, आणि एकत्र येण्याचा सण आहे. मात्र, रुग्णालयात उपचार घेत असलेले रुग्ण या सणाच्या उत्सवात सहभागी होऊ शकत नाहीत. अशा परिस्थितीत रुग्णांच्या मनात उत्साह निर्माण करण्यासाठी आणि त्यांना मानसिक आधार देण्यासाठी हा उपक्रम जिल्हा रुग्णालय प्रशासनाने राबवला. सर्जिकल आणि आर्थो कक्षातील रुग्णांना फराळाच्या स्वरूपात सणाचा आनंद दिला गेला. ज्यामुळे त्यांच्या चेहऱ्यावर आनंदाची झळक दिसून आली. रुग्णालयात अशा प्रकारचे उपक्रम राबविल्यामुळे रुग्णांच्या मानसिक स्वास्थ्यावर सकारात्मक परिणाम होतो, असे डॉक्टरांनी सांगितले. या उपक्रमात रुग्णालयातील अनेक कर्मचारी, डॉक्टर, आणि योगदान दिले. उपस्थित सर्वांनी या उपक्रमाचे कौतुक केले.