स्थायी समितीची तीन कोटी खर्चास मंजुरी

पिंपरी, ता. २७ ः शहरातील उद्याने, रस्ते व वृक्षांच्या देखभालीसाठी मजूर पुरवणे; प्राधिकरण सेक्टर १०, गवळीमाथा, लांडेवाडी, दिघी, चऱ्होली व बोपखेल भागात पाणीपुरवठा करणाऱ्या पंपहाऊसची दुरुस्ती विषयक कामकाज करणे; महापालिकेच्या विविध रुग्णालयांमधील ऑपरेशन थिएटरकरिता हायड्रोलिक टेबल खरेदी करणे, महापालिकेच्या आरोग्य विभागासाठी आवश्यक विविध प्रकारचे साफसफाई साहित्य खरेदी करणे अशा विविध विकास कामांसाठी तीन कोटी दोन लाख रुपयांच्या खर्चास महापालिका स्थायी समितीने मान्यता दिली. प्रशासक राजेश पाटील अध्यक्षस्थानी होते.