कचऱ्यामुळे आगीचा धोका वाढला

सोमाटणे, ता. ३ ः जंगलालगत कचरा जाळण्याच्या प्रकाराने डोंगरांना आग लागण्याचा धोका वाढला आहे.
पुणे-मुंबई द्रुतगती मार्गालगच्या कंपन्या व काही गावातील टाकाऊ कचरा हा रस्त्यालगतच्या डोंगराजवळ टाकण्याचा प्रकार सुरू झाला आहे.
कचऱ्याचा ढीग वाढल्यानंतर तो नष्ट करण्यासाठी पेटवून देण्याचा प्रकार केला जातो. पेटलेल्या कचऱ्याची आग वाऱ्याने चौराईडोंगराच्या दिशेने भडकत जाऊन जंगलांना आग लागण्याचा धोका वाढला आहे. यापूर्वी अशा घटनांमुळे चौराई डोंगराला अनेक वेळा आगी लागण्याचा प्रकार घडलेला होता. याची पुनरावृत्ती होण्याचा धोका असल्याने डोंगराजवळ कचरा जाळू नये, असे आवाहन सोमाटणे ग्रामस्थांनी केले आहे.

PNE22S61592