मोशीत वृद्धाचा खून

ज्येष्ठ नगारिकाचा
मोशीत खून

पिंपरी, ता.४ : वृद्ध मजुराचा कठीण वस्तू व हत्याराने मारहाण करून खून केल्याची घटना मोशीतील टोलनाक्याजवळ घडली. सुरेश प्रभाकर काळे (वय ६०, रा. मोशी) असे खून झालेल्या व्यक्तीचे नाव आहे. या प्रकरणी त्यांचा मुलगा आशिष सुरेश काळे (वय २६, रा. स्वप्ननगरी, चाकण) यांनी एमआयडीसी भोसरी पोलिस ठाण्यात फिर्याद दिली आहे. त्यानुसार अज्ञात आरोपीवर गुन्हा दाखल झाला आहे. मृत सुरेश यांचे कुटुंब चाकण येथे वास्तव्यास असून, ते मोशी परिसरात मजुरीचे काम करीत होते. सोमवारी (ता. २) दुपारी सव्वाएकच्या सुमारास मोशी टोलनाक्याजवळील इला सोसायटीच्या मागील मोकळ्या जागेत त्यांना कोणीतरी कठीण वस्तू व हत्याराने मारहाण केली. यामध्ये त्यांचा मृत्यू झाला. या प्रकरणी एमआयडीसी भोसरी पोलिस ठाण्यात खुनाचा गुन्हा दाखल झाला आहे. हा खून कोणी व कोणत्या कारणासाठी केला हे अद्याप स्पष्ट झालेले नाही. पोलिस अधिक तपास करीत आहेत.