‘नोटरीच्या दस्ताऐवजांबाबत कारवाई करू नका’

पिंपरी, ता. ५ ः शहरातील काही पोलिस ठाण्यांकडून नोटरी वकील यांनी केलेल्या दस्तऐवजाबाबत कारवाई केली जात आहे. नोटरी कायद्यानुसार १९५२ सेक्शन १३ नुसार नोटरी वकील यांनी केलेल्या कामाबद्दल कोणतीही कारवाई करू नये, अशा मागणीचे निवेदन पिंपरी-चिंचवड अॅड बार असोसिएशन नोटरी अध्यक्ष अॅड पी. डी. नांगरे यांनी पोलिस उपायुक्त काकासाहेब डोळे यांना दिले आहे. संघटनेच्या पदाधिकाऱ्यांनी विधी अधिकारी प्रसाद सांगळे व पोलिस उपायुक्त डॉ. काकासाहेब डोळे यांची भेट घेऊन त्यांच्याशी चर्चा केली. अॅड मकरंद गोखले, अॅड प्रसन्न लोखंडे, अॅड संजना माने, अॅड प्रताप साबळे, नोटरी संघटनेचे उपाध्यक्ष दीपक ओव्हाळ, अॅड संभाजी बवले यांच्या निवेदनावर सह्या आहेत.