नशेचे औषध देऊन तरुणीवर अत्याचार

पिंपरी, ता. ६ : मद्यातून नशेचे औषध देऊन तरुणीवर अत्याचार केला. त्याचे व्हिडीओ काढून ते व्हायरल करण्याची धमकी देत दोन ते तीन लाख रुपये घेतले. हा प्रकार बालेवाडी व चिंचवड येथे घडला. पंकज अनिल खंडागळे (वय २८, रा. बेलठीकानगर, थेरगाव) असे अटक केलेल्या आरोपीचे नाव आहे. या प्रकरणी पीडित तरुणीने वाकड पोलिस ठाण्यात फिर्याद दिली आहे. आरोपीने फिर्यादी तरुणीला मैत्रीच्या संबंधातून बालेवाडी येथील एका हॉटेलमध्ये नेले. तिथे तिला मद्यातून नशेचे औषध पाजून बेशुद्ध करीत अत्याचार केला. आरोपीने त्याचे व्हिडीओ तयार केले. ते व्हिडीओ व्हायरल करण्याची धमकी देऊन तरुणीकडे पैशांची मागणी केली. तसेच तरुणीला आरोपीने चिंचवड येथील एका लॉजवर नेवून वेळोवेळी अत्याचार केला. आरोपीने तरूणीकडून दोन ते तीन लाख रुपये घेतले. वाकड पोलिस अधिक तपास करीत आहेत.