कचराकुंड्या हटविल्याने गैरसोय

ठिकठिकाणी असलेल्या कचराकुंड्या स्वच्छ भारत उपक्रमांतर्गत काढून टाकल्या आहेत. त्यामुळे कासारवाडी, भोसरी, चिंचवड, निगडी व आकुर्डी प्राधिकरण, रावेत या भागात रस्त्यावरच मोठ्या प्रमाणात कचरा फेकला जात आहे. नोकरदार महिला व पुरुष वर्ग सकाळीच घराबाहेर पडत असल्याने घंटागाडीमध्ये कचरा टाकता येत नाही. आठ दिवसांचा कचरा घरात साठून दुर्गंधी पसरत आहे. काही सोसायट्या व घरांमध्ये अद्यापही कचरा उचलण्याची सोय नाही. परिणामी, काही नागरिक रस्त्यावरच आडबाजूला कचरा फेकत आहेत. त्यामुळे शहर विद्रूपीकरणात अधिकच भर पडत आहे. त्यामुळे, कचरा कुंड्यांची व्यवस्था पूर्ववत करावी.
- दुर्गा अष्टेकर, कासारवाडी