प्रवेश परीक्षा, आयआयटीवर रविवारी मार्गदर्शन

सकाळ विद्या लोगो

पिंपरी, ता. ११ ः ‘सकाळ विद्या’ व ‘एक्‍सिड’च्या (एक्‍सलंट एज्युकेशन) वतीने अभियांत्रिकी, वैद्यकीय आणि विज्ञान क्षेत्रातील करिअर, प्रवेश परीक्षांबाबत मार्गदर्शन चर्चासत्र आयोजित केले आहे. रविवारी (ता. १५) प्रा. रामकृष्ण मोरे प्रेक्षागृह, चिंचवड येथे होणाऱ्या या चर्चासत्रात अभियांत्रिकी व मूलभूत विज्ञान शाखेत शिक्षण घेण्यासाठी द्याव्या लागणाऱ्या प्रवेश परीक्षा आणि आयआयटीसाठी कशी करावी तयारी, या विषयांवर मार्गदर्शन केले जाणार आहे.
प्रा. आशिष दुबे (बीटेक, एमटेक आयआयटी, मुंबई) मार्गदर्शन करणार आहेत. प्रा. दुबे यांना शिक्षण व करिअर समुपदेशन क्षेत्रातील २० वर्षांचा प्रदीर्घ अनुभव आहे. या स्पर्धेच्या युगात सर्वांनाच आयआयटीसारखी स्पर्धा परीक्षा आणि शासकीय वैद्यकीय महाविद्यालयात प्रवेश मिळण्याची इच्छा असते. परंतु, योग्य वयात योग्य मार्गदर्शन आणि दिशा मिळत नसल्याने मुले गोंधळतात. पण, आता सहावीपासून एनएसओ, आयएमओ, होमीभाभा, एनटीएसइ या परीक्षांच्या तयारीबरोबरच आयआयटी व वैद्यकीयसाठीच्या प्रवेश परीक्षांची तयारी करता येत आहे. त्यामुळे मुलांचा ‘बेस’ पक्का झाल्यावर प्रवेश परीक्षा ‘क्रॅक’ करणे सोपे होऊ शकते.

चर्चासत्रातून मिळणार सर्व प्रश्‍नांची उत्तरे
याशिवाय अकरावी-बारावीच्या अभ्यासक्रमाबरोबरच सीईटी, जेईई, नीट आणि केव्हीपीवाय या प्रवेश परीक्षांची तयारी तसेच अभ्यासाचे नियोजन कसे करावे, सहावी-दहावीपासूनच तयारीला लागलो तर बारावीमध्ये अभ्यासाचा ताण कसा कमी होऊ शकतो, बारावीनंतर अभियांत्रिकी व मूलभूत विज्ञान शाखेतील करिअरचे विविध पर्याय आणि त्यातील शिक्षण घेण्यासाठी आयआयटी, एनआयटी, बीट्‌स, व्हीआयटी, आयआयएससी, आयसर, एनआयएससीआर या सारख्या देशभरातील नामांकित शिक्षण संस्था व त्यांच्या प्रवेशप्रक्रिया याबाबत मार्गदर्शन केले जाईल. विद्यार्थी व पालकांच्या करिअर व प्रवेश परीक्षांतील बदलांविषयीच्या सर्व शंका व प्रश्‍नांची उत्तरे या चर्चासत्रातून मिळतील.

असा होणार कार्यक्रम
- कधी- रविवार, ता. १५ मे २०२२
- केव्हा - सकाळी १० वाजता
- कोठे - प्रा. रामकृष्ण मोरे, प्रेक्षागृह- चिंचवड
- प्रवेश - विनामूल्य
- नाव नोंदणी आवश्‍यक व संपर्क - ९८८१९०७२५२