रविवारी चिंचवड येथे प्रविण तरडे यांची प्रकट मुलाखत

पिंपरी, ता.१३ : दिशा सोशल फाऊंडेशच्यावतीने अभिनेते आणि दिग्दर्शक प्रविण तरडे यांची प्रकट मुलाखत रविवारी (ता.१५ ) चिंचवड येथे आयोजित केली आहे. प्रा. रामकृष्ण मोरे नाट्यगृहात रविवारी सायंकाळी साडेपाच वाजता हा कार्यक्रम होणार आहे. मुलाखतकार विनोद सातव हे तरडे यांची मुलाखत घेणार आहेत. यावेळी खासदार श्रीरंग बारणे, आमदार महेश लांडगे, अभिनेते रमेश परदेशी, देवेंद्र गायकवाड उपस्थित राहणार आहेत, अशी माहिती दिशा फाऊंडेशनचे अध्यक्ष नाना शिवले यांनी दिली. कार्यक्रम सर्वांसाठी खुला आहे. मात्र, काही जागा राखीव असतील. नाट्यगृहात मर्यादित आसनक्षमता असल्याने प्रथम येणाऱ्यास प्राधान्याने प्रवेश दिला जाईल.