कोयत्याचा धाक दाखवून मोबाईल लुटला

पिंपरी, ता. १४ : कोयत्याचा धाक दाखवून जिवे मारण्याची धमकी देत तरुणाकडील मोबाईल लुटला. हा प्रकार देहूरोड येथे घडला. याप्रकरणी आकाश शंकर परीटकर (रा. डॉ. आंबेडकरनगर, देहूरोड) यांनी देहूरोड पोलिस ठाण्यात फिर्याद दिली. त्यानुसार अज्ञात आरोपीवर गुन्हा दाखल झाला. फिर्यादी हे मित्र साहिल सय्यद याला घेण्यासाठी हिंजवडी येथे जात होते. दरम्यान, दुचाकीतील पेट्रोल संपल्याने ते शिंदे पेट्रोल पंपाजवळ आले. दुचाकीवरून तिघेजण फिर्यादीजवळ आले. त्यांना कोयत्याचा धाक दाखवून जिवे मारण्याची धमकी देत चाळीस हजार रुपये किमतीचा मोबाईल हिसकावला.