पारिचारीकांचा गौरव

अल्फा ओमेगा ख्रिश्चन महासंघातर्फे
दोन हजार परिचारिकांचा गौरव
पिंपरी, ता. १५ ः अल्फा ओमेगा ख्रिश्चन महासंघाच्या वतीने महाराष्ट्रातील दोन हजार परिचारिकांना कोरोना योद्धा पुरस्कार देऊन सन्मानित करण्यात आले आहे. परंतु सरकारने करार पद्धतीने सेवा करणाऱ्या परिचारिकांना सेवेत कायम स्वरुपी सामावून घ्यावे. फ्लोरेंस नाईटिंगेल यांचा पुतळा सरकारी रूग्णालयात बसवावा, अशी मागणी अल्फा ओमेगा ख्रिश्‍चन महासंघाचे प्रदेशाध्यक्ष आशिष शिंदे यांनी मुख्यमंत्री उद्धव ठाकरे व आरोग्यमंत्री राजेश टोपे यांच्याकडे केली आहे. दिलेल्या निवेदनात म्हटले आहे की, ‘कोरोना काळात सेवा करणाऱ्या परिचारिकांना आगाऊ वेतन वाढ देण्यात यावी. कारण त्यांच्या सेवेची तुलना कशा बरोबरच होऊ शकत नाही. परंतु त्यांना प्रोत्साहन देणे आवश्यक आहे.’’