बाललैंगिक अत्याचारावर देहूमध्ये समुपदेशन

देहू, ता. २९ः ‘‘समाजात बाललैंगिक शोषण, अत्याचार रोखण्यासाठी महिला आणि मुलींनी न घाबरता पोलिसांशी संपर्क साधावा,’’ असे आवाहन देहूरोड पोलिस ठाण्याच्या पोलिस निरीक्षक वर्षाराणी पाटील यांनी विद्यार्थिनींना केले.
स्वातंत्र्याच्या अमृत महोत्सव वर्षानिमित्त देहूरोड पोलिस ठाणे व देहूतील येथील श्री संत तुकाराम विद्यालय यांच्या संयुक्त विद्यमाने महिला व मुलींवर वाढते अत्याचार, बाललैंगिक अत्याचार गुन्हे या विषयी विद्यार्थिनींना समुपदेशन कार्यक्रमाचे आयोजन केले होते .त्यावेळी त्या बोलत होत्या. मुख्याध्यापक प्रल्हाद यादव यांनी मनोगत व्यक्त केले.
शिक्षक सी. बी. मगर यांनी प्रास्ताविक केले. पी. पी.पाटील यांनी सूत्रसंचालन केले. पी. बी. गायकवाड यांनी आभार मानले.

देहू ः पोलिस निरीक्षक वर्षाराणी पाटील यांनी विद्यार्थ्यांना बाललैंगिक अत्याचार, गुन्हे रोखण्यासाठी समुपदेशन केले.