गुरुवंदन सभेत रंगले तबलावादन

पिंपरी, ता.१ ः चिंचवडमधील श्रीधरनगर येथे समर्थ तबला वर्गातर्फे गुरुवंदना संगीत सभा झाली. मधू जोशी व तबलावादक विष्णू कुलकर्णी उपस्थित होते. प्रारंभिक ते प्रवेशिका पूर्ण विद्यार्थ्यांचे तबलावादन झाले. अखिल भारतीय गांधर्व महाविद्यालय मंडळाच्या परीक्षेतील उत्तीर्ण विद्यार्थ्यांचा गौरव करण्यात आला. नंतर मध्यमा प्रथम ते विशारद पूर्ण विद्यार्थ्यांचे तबलावादन सादरीकरण झाले. विद्यार्थ्यांनी त्रिताल, झपताल, एकताल या तालात विविध लयीमधे ‘पेशकार, कायदे, रेले, गती, तुकडे, चक्रधार’ विविध प्रकार सादर केले. वृषाली भणगे यांनी एकल तबलावादन ताल त्रितालात वेगवेगळ्या उस्तादांच्या पारंपारिक रचना सादर केल्या. यावेळी हार्मोनिअम लेहरा साथ हरिदास सावंत याने केली. निवेदन वैभव भणगे यांनी केले.