शालेय पोषण आहार पुरवठा आदेशाला स्थगिती द्या

‘शालेय पोषण आहार पुरवठा
आदेशाला स्थगिती द्या’

पिंपरी, ता. ४ ः जाचक अटी शर्थी आणि नियमांचे उल्लंघन केल्याप्रकरणी, उच्च न्यायालय, मुंबई यांनी कोल्हापूर, सांगली, कुपवाड आणि पुणे महापालिकेतील शालेय पोषण आहार निविदा तसेच दिलेल्या पुरवठा आदेशाला स्थगिती दिली आहे. त्या धर्तीवर पिंपरी चिंचवड महापालिकेतील शालेय पोषण आहार निविदा अथवा पुरवठा आदेशाला देखील आयुक्तांनी त्वरित स्थगिती द्यावी, अशी मागणी शिवसेना महिला संघटिका मंदा फड यांनी आयुक्त राजेश पाटील यांना निवेदनाद्वारे केली आहे. शिवसेना महिला संघटिका मंदा फड म्हणाल्या, ‘‘आयुक्त राजेश पाटील यांना निवेदनाद्वारे केली आहे. या मागणीचा विचार झाला नाही तर आम्हालादेखील पुढील कारवाईसाठी उच्च न्यायालयात जावे लागेल.’’