‘हर घर तिरंगा’ उपक्रमांतर्गत शहरात रक्तदान शिबिरे

पिंपरी, ता. ४ ः स्वातंत्र्याच्या अमृत महोत्सवी वर्षानिमित्त ‘हर घर तिरंगा’ उपक्रम राबविण्यात येत आहे. त्यानिमित्ताने आठ ऑगस्ट रोजी ‘अ’ ‘ब’ आणि ‘क’ क्षेत्रीय कार्यालयात, १० ऑगस्ट रोजी ‘ड’ आणि ‘इ’ क्षेत्रीय कार्यालयात, १२ ऑगस्ट रोजी ‘फ’, ’ग’ आणि ‘ह’ क्षेत्रीय कार्यालयात आणि १५ ऑगस्ट रोजी महापालिका मुख्यालयात सकाळी १० ते दुपारी दोन या वेळेत रक्तदान शिबिर होईल. १३ ते १५ ऑगस्ट कालावधीत सर्व क्षेत्रीय कार्यालयांमध्ये ‘राष्ट्रध्वज विक्री केंद्र’ कार्यान्वित असतील. राष्ट्रध्वज सिल्क कापडाचा असून किंमत नाममात्र आहे. २० जुलै नंतर मिळकतकर भरणाऱ्यांना ध्वज भेट देण्यात येत आहे, असे आयुक्त तथा प्रशासक राजेश पाटील यांनी सांगितले.
--