येवलेवाडीत संगणक कार्यशाळा

पुणे ः ट्रिनिटी कॉलेज ऑफ इंजिनिअरिंग अँड रिसर्च महाविद्यालयातील तृतीय वर्ष संगणक अभियांत्रिकी शाखेतील विद्यार्थ्यांनी येवलेवाडीतील जिल्हा परिषद शाळेतील पहिली ते सातवीच्या विद्यार्थ्यांना संगणकाची माहिती दिली. संगणकाचे फायदे त्यांना समजावून सांगून दैनंदिन जीवनात संगणकाचा वापर कसा करावा, याचे प्रात्यक्षिक दिले.
कार्यशाळेसाठी प्रतिक निकम, भाविका शर्मा, ऋषिकेश शिंदे, प्रणाली सपकाळ, रोशन कुंभारकर, संकेत गायकवाड, तेजस शिंदे, कौशल गवस आणि प्रदीप चौरसिया यांनी परिश्रम घेतले. संगणक विभागप्रमुख डॉ. गीतिका नारंग, प्रा. पंकज फडतरे, प्रा. प्रसाद भोसले यांनी कार्यशाळेचे आयोजन केले होते.