अल्पवयीन मुलाचा दिव्यांग तरुणीवर अत्याचार

पिंपरी, ता. १९ : अल्पवयीन मुलाने घराशेजारी राहणाऱ्या तेवीस वर्षीय दिव्यांग तरुणीवर लैंगिक अत्याचार केला. हा प्रकार भोसरी एमआयडीसी येथे घडला.
याप्रकरणी पोलिसांनी चौदा वर्षीय मुलाला ताब्यात घेतले आहे. पीडित तरुणी ही तिच्या आईसोबत राहते. घरी कोणी नसल्याचा गैरफायदा घेत अल्पवयीन मुलगा त्यांच्या घरात शिरला. त्याने सोमवारी व बुधवारी तरुणीवर अत्याचार केला. तिची मावशी घरी परतली असता हा प्रकार समोर आला. त्यानंतर आई व मावशीने पोलिसात तक्रार दिली. पोलिसांनी मुलाला ताब्यात घेऊन चौकशी केली असता, त्याने तरुणीवर दोन वेळा अत्याचार केल्याची कबुली दिली. एमआयडीसी भोसरी पोलिसांनी त्याला ताब्यात घेतले असून, अधिक तपास सुरु आहे.
------------------------