चिंचवडमधील जलतरण तलाव सुरु करा

वाचकपत्र
जलतरण तलाव सुरू करावा

निगडीतील जलतरण तलावात दुर्घटना घडल्यामुळे गेल्या सात दिवसांपासून शहरातील इतर तलावही बंद केले आहेत. त्यामुळे, चिंचवडमधील वस्ताद बाळासाहेब गावडे जलतरण तलाव बंद ठेवला आहे. मात्र, या परिसरातील स्थानिक रहिवासी या ठिकाणी नियमित व्यायामासाठी येतात. तलावाची खोली कमी करून डागडुजीसाठी गेले दोन वर्षे कालावधी होता. परंतु, त्यावेळी लक्ष दिले नाही. क्रीडा व स्थापत्य विभागाला पत्र देवूनही अधिकाऱ्यांनी तरण तलावांच्या कामाकडे दुर्लक्ष केले आहे. तसेच, गेल्या दहा दिवसांपासून तलाव पाण्याने भरण्यासाठी सुरु केले आहेत. त्यातही या तलावांमध्ये पिण्याच्या पाण्याचा दुरुपयोग केला जात आहे. पाण्याचे बोअरवेल घेण्याचे काम अर्धवट सोडलेले आहे. अशा कामांसाठी ठेकेदारांवर कारवाई करून त्याला काळ्या यादीत टाकायला हवे. तलावांचे खासगीकरण केल्याने गरीब जनतेला आर्थिक बोजा पडत आहे. इतर ठिकाणी जलतरण तलावांवर जाणे ज्येष्ठ नागरिकांना परवडत नाही.
- जितेंद्र निखळ, चिंचवड