२२७ सक्रीय रुग्ण; नवीन ५० जण

पिंपरी, ता. १० ः कोरोना संसर्गाचे रुग्ण शहरात वाढतच असून शुक्रवारी ५० जण आढळले. त्यामुळे सक्रिय रुग्णसंख्या २२७ झाली आहे. मात्र, सौम्य लक्षणे असल्याने त्यांना गृहविलगीकरणातच ठेवले आहे. शहरात आतापर्यंत तीन लाख ६० हजार ३२ रुग्णांची नोंद झाली आहे. त्यापैकी तीन लाख ५५ हजार ९१२ जण बरे झाले आहेत. चार हजार ६२४ जणांचा मृत्यू झाला आहे. आज नऊ जणांना डिस्चार्ज देण्यात आला. खबरदारी म्हणून महापालिकेने लसीकरणही वाढवले असून शुक्रवारी दोन हजार १२७ नागरिकांनी लशीचा डोस घेतला.