वाचकपत्र पीएमपीएलची सेवा असमाधानकारक

पीएमपीएलची पुणे व संलग्न ग्रामीण भागातील सेवा असमाधानकारक आहे. बस थांबे नसणे, असलेल्या थांब्यावर असुविधा, बसगाड्या मध्येच बंद पडणे अशा समस्यांना प्रवाशांना सामोरे जावे लागत आहे. त्यात बसमध्ये चोरांचा धुमाकूळ वाढला आहे. महिलांच्या गळ्यातील व हातातील सोने दिवसाढवळ्या लुटले जात आहे. यातील बहुतांशी चोर या महिला आहेत. ठरावीक मार्गावर या बसमध्ये चढतात आणि उतरतात. हा त्यांचा दैनंदिन व्यवसाय झाला आहे. याला पीएमपी प्रशासनाने अटकाव घालणे गरजेचे आहे. कित्येकदा बस वाहकांना हे चोर माहीत असूनही कारवाई केली जात नाही. बसगाड्यांमध्ये साध्या वेशातील पोलिस ठेवावेत. हायफाय सेवा देण्यापेक्षा प्रवाशांच्या सुरक्षिततेकडे लक्ष देणे अत्यावश्यक आहे. बसमध्ये सीसीटीव्ही कॅमेरे लावणे गरजेचे आहे.
- अरविंद करंदीकर, तळेगाव दाभाडे