महाविद्यालयास नॅकचा ‘अ प्लस’ दर्जा

पिंपरी, ता. २५ ः मराठवाडा मित्रमंडळाच्या औषधनिर्माणशास्त्र महाविद्यालयास नॅकचा ‘अ प्लस’ दर्जा प्राप्त झाला आहे. महाविद्यालयाचे नॅक मूल्यांकन नुकतेच झाले.
जामिया हमर्दद विद्यापीठ, दिल्लीचे कुलगुरू डॉ. एस. एच. अन्सारी, तिरूपती श्री पदमावती महिला विश्वविद्यालयाचे डॉ. श्रीदेवी अदिकेय, पंजाब विद्यापीठ चंडीगडचे प्रा. डॉ. अनिल कुमार या त्रिसदस्यीय समितीव्दारे पार पडले. नियुक्त समितीने एकंदरीत महाविद्यालयातील शिक्षणाचे मूल्यमापन, संशोधन व विकास, विद्यार्थ्यांचा सहभाग व प्रगती, महाविद्यालय व्यवस्थापन व नेतृत्व, महाविद्यालयात राबविण्यात येणाऱ्या चांगल्या व विशिष्ट पद्धती या निकषांचे मूल्यमापन केले. या यशाबद्दल महाविद्यालयातील शिक्षक, शिक्षकेतर कर्मचारी व विद्यार्थी यांचे अभिनंदन व कौतुक संस्थेचे अध्यक्ष शिवाजीराव गणगे, कार्याध्यक्ष प्रा. भाऊसाहेब जाधव, सचिव किशोर मुंगळे व सर्व कार्यकारी मंडळाचे सदस्य यांनी केले.