दहावीनंतर काय? आजच जाणून घ्या

सकाळ विद्या व क्यू आर कोड शुक्रवार टुडे पान एकवरून घ्यावा
--

दहावीनंतर काय? आजच जाणून घ्या

चिंचवड येथील प्रा. रामकृष्ण मोरे प्रेक्षागृहात चर्चासत्र

पिंपरी, ता. ९ ः नवीन शैक्षणिक धोरण, अभ्यासक्रम, परीक्षा पद्धती आणि दहावीनंतरचे उच्च शिक्षण याबाबत, विद्यार्थी व पालकांसाठी ‘सकाळ विद्या’ आणि ‘क्रिएटिव्ह ॲकॅडमी व ‘लर्निंग लेन्स ॲकॅडमी यांच्यातर्फे शनिवारी (ता.१०) चर्चासत्र आयोजित केले आहे. याचा लाभ सातवी ते दहावीच्या विद्यार्थ्यांसह पालक व शिक्षकांनाही होणार आहे.
चिंचवड येथील प्रा. रामकृष्ण मोरे प्रेक्षागृहात शनिवारी सायंकाळी पाच वाजता चर्चासत्रास सुरवात होईल. शालेय अभ्यासक्रम, मूल्यमापन पद्धत, विषयानुरूप योग्य नियोजन व आकलनावर भर असेल. बदललेल्या अभ्यासक्रमानुसार प्रश्नपत्रिकांचे स्वरूप कसे असेल, या अनुषंगाने अभ्यास व वेळेचे नियोजन कसे असावे, अभ्यास कसा करावा, परीक्षेचे ओझे न बाळगता कसे सामोरे जावे, याविषयी समुपदेशन केले जाणार आहे. क्रिएटिव्ह ॲकॅडमीचे नौशाद शेख आणि लर्निंग लेन्स ॲकॅडमीचे इम्रान शेख मार्गदर्शन करतील. दहावीनंतर मेडिकल, इंजिनिअरिंग याव्यतिरिक्त उपलब्ध करिअरचे पर्याय व अन्य परीक्षा, त्यांची तयारी व नामांकित शिक्षण संस्था याविषयीही मार्गदर्शन मिळेल.

काय? कधी? केव्हा? कुठे?
काय? ः दहावीनंतरचे शिक्षण विषयावर चर्चासत्र
कधी? ः शनिवार, ता. १० जून
केव्हा? ः सायंकाळी ५ वाजता
कुठे? ः प्रा. रामकृष्ण मोरे प्रेक्षागृह, चिंचवड

संपर्क : ८३७८९८७८३६, ९९२२२४७५५६
प्रवेश ः विद्यार्थी व पालकांसाठी विनामूल्य, नावनोंदणी आवश्यक