तडीपार गुंडाला शस्त्रासह अटक

भोसरी, ता. ९ ः पुणे जिल्ह्यातून तडीपार केलेल्या आरोपीला एमआयडीसी भोसरी पोलिसांनी शस्त्रासह अटक केली. ही कारवाई मंगळवारी (ता. ८) सायंकाळी पावणे आठच्या सुमारास तापकीरनगर, मोशी येथे करण्यात आली.
भूषण गणेश बहिरट (वय २१, रा. मोशी) असे अटक केलेल्या आरोपीचे नाव आहे. या प्रकरणी पोलिस अंमलदार आनंद जाधव यांनी ‘एमआयडीसी’ भोसरी पोलिस ठाण्यात फिर्याद दिली आहे. आरोपी भूषण बहिरट याला पिंपरी चिंचवड पोलिसांनी पुणे जिल्ह्यातून दोन वर्षांसाठी तडीपार केले आहे. त्याचा तडीपारीचा कालावधी संपण्यापूर्वी तो शहरात आला. त्याने स्वतःकडे एक शस्त्र बाळगले असल्याची माहिती एमआयडीसी भोसरी पोलिसांना मिळाली. त्यानुसार पोलिसांनी भूषण याला ताब्यात घेतले. त्याच्याकडून एक तलवार जप्त करण्यात आली आहे.