प्रशिक्षक मालशे यांचा महापालिकेतर्फे सत्कार

पिंपरी, ता. १२ ः कर्णबधिरांच्या नवव्या राष्ट्रीय टी-२० क्रिकेट स्पर्धेत विजेतेपद पटकावलेल्या महाराष्ट्र संघाचे प्रशिक्षक विवेक मालशे यांच्या महापालिकेतर्फे बुधवारी सत्कार करण्यात आला. दिल्लीत झालेल्या स्पर्धेत महाराष्ट्राने जम्मू-काश्मीर संघाला आठ धावांनी हरविले. मालशे महापालिकेच्या मध्यवर्ती भांडार विभागाचे भांडारपाल आहेत. अतिरिक्त आयुक्त विजयकुमार खोराटे यांच्या हस्ते त्यांचा सत्कार झाला. यावेळी महापालिका कर्मचारी संघाचे खेळाडू राहुल चावरिया, सचिन लोणे, महेश कुदळे, ओंकार पवार, विनोद साळुंखे, कृष्णा चव्हाण, योगेश साठे, निखिल आव्हाड, विजय बंडवाल, आकाश नामदे आदी उपस्थित होते. दुबईमध्ये पुढील वर्षी विश्वकरंडक स्पर्धा होणार आहे. त्यासाठी खोराटे यांनी मालशे यांना शुभेच्छा दिल्या.
-----