टाकवे बुद्रुकमध्ये असवले विजयी

टाकवे बुद्रुक, ता. ८ : ग्रुप ग्रामपंचायत टाकवे बुद्रुक येथील वार्ड क्रमांक १ मधील सदस्याने काही कारणास्तव सदस्यपदाचा राजीनामा दिला होता. परिणामी एका जागेसाठी ६ उमेदवार रिंगणात उतरले होते. अर्ज माघारीच्या वेळी अखेर ४ उमेदवारांनी माघारी घेतल्यानंतर उरलेल्या दोन उमेदवारांची सरळ लढत झाली. त्यात विश्वनाथ सुभाष असवले विजयी झाले. त्यांना ४२८ तर प्रतिस्पर्धी उमेदवारांना २६५ मतदान झाले. तसेच ८ मतदारांनी ‘नोटा’ला पसंती दिली. एकूण ८५१ पैकी ७०१ मतदारांनी आपला मतदानाचा हक्क बजावला. यावेळी ८२ टक्के मतदान झाले. निवडणूक अधिकारी म्हणून मंडल अधिकारी सुरेश जगताप व सहायक अधिकारी तलाठी गणेश पोतदार यांनी काम पाहिले.

फोटो : ०१५२९