रुडसेटीतर्फे वृद्धाश्रमास मोफत ब्युटी पार्लर सेवा

तळेगाव स्टेशन, ता. ३ : महाराष्ट्र दिनाचे औचित्य साधून सामाजिक बांधिलकी म्हणून वराळेतील रुडसेट संस्थेच्या ब्युटी पार्लर अभ्यासक्रमाच्या प्रशिक्षणार्थींनी मनोहरनगरजवळील भिसे वृद्धाश्रमास भेट दिली. त्या ठिकाणी वैयक्तिक निगा राखण्यासंदर्भात प्रात्यक्षिकांसह माहिती दिली.
प्रशिक्षणार्थ्यांनी आश्रमातील वृद्धांना मोफत विविध प्रकारच्या ब्युटी पार्लरच्या सेवा उपलब्ध करून दिल्या. विशेषतः ज्येष्ठ महिलांना नखे कापणे, नटांची निगा राखणे, चेहरा धुणे, बॉडी मसाज, डोक्याचा मसाज व केस कापणे आदींची प्रात्यक्षिकासह माहिती दिली. ज्यांचे कुटुंबही खुद्द सेवा करण्यासाठी पुढे येत नाहीत, अशा निराधार वृद्धांना रूडसेट संस्थेच्या माध्यमातून अशा सेवा मोफत दिली. त्याबद्दल वृद्धाश्रमाच्या व्यवस्थापिका संगीता दाभाडे यांनी रुडसेटीचे आभार व्यक्त केले. यापुढेही सहकार्य ठेवण्याची ग्वाही रूढ एटीएम संस्थेचे प्रशिक्षक हरीश बावचे यांनी दिली.