कृष्णराव भेगडे इंग्लीश स्कूलचा शंभर टक्के निकाल

तळेगाव स्टेशन, ता. १८ : तळेगाव विद्या प्रतिष्ठान संचलित कृष्णराव भेगडे इंग्लिश मीडियम स्कूलच्या
दहावीच्या विद्यार्थ्यांचा निकाल १०० टक्के लागला. परीक्षा दिलेले शाळेतील एकूण ७४ विद्यार्थी विशेष प्रावीण्यासह प्रथम श्रेणीत पास झाले. यापैकी १५ विद्यार्थी ९० टक्क्यांपेक्षा अधिक गुणांसह तर ५२ विद्यार्थी ८० टक्क्यांपेक्षा अधिक गुणांसह उत्तीर्ण झाले. ७ विद्यार्थी हे ७० टक्क्यांपेक्षा जास्त गुण मिळवून उत्तीर्ण झाले. श्रेया नितीन ढोरे हिला ९६. ८० टक्के गुण मिळाले. सौरभ दिलीप पाटील याला ९५ टक्के गुण मिळाले. अनुज संतोष भसे याला ९४.४० टक्के गुण मिळाले. संस्थेचे संस्थापक चंद्रकांत काकडे, अध्यक्ष संदीप काकडे, खजिनदार गौरी काकडे, मुख्याध्यापिका मीना अय्यर यांच्यासह शिक्षक, शिक्षकेतर कर्मचारी विद्यार्थी, पालकांनी यशस्वी विद्यार्थ्यांचे अभिनंदन केले.