संत सावतामाळी पुण्यतिथीनिमित्त तळेगावात विविध कार्यक्रम

तळेगाव स्टेशन, ता. २७ ः संत सावता माळी महाराज यांच्या पुण्यतिथीनिमित्ताने बुधवारी (ता. २७) तळेगाव-दाभाडे येथील शाळा चौकातील श्री विठ्ठल मंदिरात विविध धार्मिक कार्यक्रमांचे आयोजन करण्यात आले होते. पहाटे काकड आरती, भजनाच्या गजरात श्री विठ्ठलाच्या मूर्तीला अभिषेक पूजा करण्यात आली. संत सावतामाळी महाराजांच्या प्रतिमेचे पूजन भजनकरी पांडुरंग गदादे आणि मीनाताई  गदादे यांच्या हस्ते करण्यात आले. महाआरतीनंतर प्रसाद वाटप करण्यात आला. श्री विठ्ठल मंदिराचे प्रमुख ज्ञानेश्वर महाराज दाभाडे, अतुल देशपांडे, निवृत्ती महाराज फाकटकर, सुभाष बेल्हेकर, संपत गराडे, योगेश अवसरकर, प्रभाकर सरवदे, शंकरराव शिंदे, किशोर दरेकर, किशोर भेगडे, किरण गवारे, यतीन शहा उपस्थित होते.