आचारसंहिता भंगाबाबत तळेगावात टोल फ्री क्रमांक

तळेगाव स्टेशन, ता. १३ : नगरपरिषदेच्या आगामी निवडणुकीसाठी तळेगाव दाभाडेमध्ये आदर्श आचारसंहिता लागू झाली आहे. त्याबाबत नगरपरिषदेने स्वतंत्र आचारसंहिता कक्ष स्थापन केला आहे. आचारसंहिता भंग झाल्याबाबत नागरिकांना तक्रारी करण्यासाठी टोल फ्री १८००-२३३-२७३४ आणि व्हॉट्सॲप ९८९०६१६०८९ असे दोन क्रमांक उपलब्ध करण्यात आले आहेत. नागरिकांनी त्यावर निर्भयपणे तक्रार नोंदवावी, असे नगरपरिषदेच्या निवडणूक निर्णय अधिकारी तथा उपजिल्हाधिकारी (भूसंपादन क्र. १३) अर्चना तांबे यांनी प्रसिद्धी पत्रकाद्वारे कळविले आहे.
---