दळवी कॉलेजचा निकाल १०० टक्के

वडगाव मावळ, ता. ११ : कोथुर्णे येथील ज्ञानराज शिक्षण प्रसारक मंडळ संचलित सरूबाई पांडुरंग दळवी ज्युनिअर कॉलेजचा बारावीचा कला व वाणिज्य शाखेचा निकाल शंभर टक्के लागला. निकिता विकास ठुले हिने ८४.८३ टक्के गुण मिळवून पवना केंद्रात वाणिज्य शाखेत प्रथम क्रमांक पटकावला. काजल हिरामण ठुले हिने ८२.८३ टक्के गुण मिळवून दुसरा तर अपर्णा अबू निंबळे हिने ८०.५० टक्के गुण मिळवून तिसरा क्रमांक पटकावला. कला शाखेत स्नेहा हिरामण राऊत हिने ८९.३३ टक्के गुण मिळवून पवना केंद्रात तसेच तालुक्यात प्रथम क्रमांक पटकावला. स्वाती राजाराम सुतार हिने ७७. ५० टक्के गुण मिळवून दुसरा तर प्रतीक्षा पांडुरंग आडकर हिने ७१ टक्के गुण मिळवून तिसरा क्रमांक प्राप्त केला. संस्थेचे अध्यक्ष ज्ञानेश्वर दळवी, प्राचार्य दत्तात्रेय कराळे व शिक्षकांनी यशस्वी विद्यार्थ्यांचे अभिनंदन केले.