स्नेहा काळे सुवर्णपदकाची मानकरी

वाकड, ता. ५ : ताथवडे येथील इंदिरा महाविद्यालयाची विज्ञान शाखेची विद्यार्थिनी स्नेहा काळे हिने जैन युनिव्हर्सिटी बेंगलोर येथे २९ एप्रिल ते १ मे दरम्यान पार पडलेल्या खेलो इंडिया युनिव्हर्सिटी गेम्समधील योग स्पर्धेत सुवर्णपदकाची कमाई केली.

स्नेहा हिला महाविद्यालयाचे शारीरिक शिक्षण संचालक डॉ. किशोर पठारे यांचे बहुमोल मार्गदर्शन लाभले. महाविद्यालयाचे प्राचार्य डॉ. प्रकाश पंदारे, उपप्राचार्य डॉ. जनार्दन पवार, तसेच सर्व प्राध्यापक व इतर कर्मचारी वर्गाने स्नेहा काळेचे अभिनंदन केले. संस्थेच्या अध्यक्षा डॉ. तरिता शंकर, समूह संचालक प्रा. चेतन वाकलकर यांनी तिच्या यशाचे कौतुक केले.
-------------------------------------