रस्त्यावर कचरा टाकणाऱ्यांवर दंडात्मक कारवाई

वाकड, ता. ११ : गणेशनगरमधील शनी मंदिर गुडमॉर्निंग पथकामार्फत रस्त्यावर कचरा टाकणाऱ्या, ओला व सुका कचरा वेगळा न करणाऱ्या तसेच डस्टबीन न ठेवणाऱ्या दुकानदारांवर दंडात्मक कारवाई करण्यात आली. कचरा टाकणाऱ्यांकडून पाचशे, ओला-सुका कचरा वेगळा न करणाऱ्यांना तीनशे व डस्टबिन न ठेवणाऱ्या दुकानदारांना एकशे ऐंशी रुपयांप्रमाणे दंड गोळा करण्यात आला. आरोग्य निरीक्षक सुरेश चण्णाल व कर्मचाऱ्यांच्या पथकाने ही कारवाई केली.