मावळातील ३१ ठिकाणी पर्यटनास बंदी; ती ३१ ठिकाणे कोणती?

वडगाव मावळ : कोरोना संकटाच्या पार्श्वभूमीवर मावळ तालुक्यातील ३१ ठिकाणी पावसाळी पर्यटनास प्रशासनाने बंदी घातली आहे. प्रांताधिकारी संदेश शिर्के यांनी याबाबतचा आदेश काढला आहे.

ताज्या बातम्यासाठी डाऊनलोड करा ई-सकाळचे अॅप

पुण्याच्या बातम्या वाचण्यासाठी येथे क्लिक करा

मावळ तालुक्यातील लोणावळा-खंडाळा या नेहमीच्या पर्यटन स्थळांप्रमाणेच आंदर, पवन व नाणे मावळातील धरणांचा परिसर, किल्ले, लेण्या व धार्मिक ठिकाणी पावसाळ्यात वर्षाविहारासाठी पर्यटक मोठ्या प्रमाणावर येत असतात. परंतु यंदा कोरोना संकटाच्या पार्श्वभूमीवर प्रशासनाने पावसाळी पर्यटनास बंदी घातली आहे.
-------------
धक्कादायक! आमदाराच्या वडिलांच्या अंत्यविधीला दहा हजार लोक; स्वतःच केली फेसबुक पोस्ट
-------------
सावधान हवेतूनही होतोय कोरोनाचा संसर्ग !
------------
जिल्हाधिकारी नवलकिशोर राम यांनी यापूर्वीच बंदीचा आदेश काढला आहे. तरीही हा आदेश झुगारून अनेक पर्यटक वर्षाविहारासाठी येत असल्याचे गेल्या दोन शनिवारी व रविवारी दिसून आले. त्यामुळे पर्यटन बंदीच्या आदेशाची काटेकोरपणे अंमलबजावणी व्हावी असा अहवाल तहसीलदार मधुसूदन बर्गे यांनी सादर केल्यानंतर प्रांताधिकारी संदेश शिर्के यांनी नव्याने आदेश जारी केला व तालुक्यातील ३१ ठिकाणी पर्यटकांना पर्यटनास बंदीचा आदेश काढला. बंदी आदेश मोडणाऱ्यांवर कारवाई करण्याची सूचनाही त्यांनी पोलिसांना केली आहे.

पर्यटनास बंदी असलेली तालुक्यातील ठिकाणे-

• टाकवे बुद्रुक
• फळणे
• माऊ
• वडेश्वर
• नागाथली
• वहाणगाव
• कुसवली
• बोरवली
• डाहुली
• सावळा
• कुसुर
• निळशी
• खांड
• राजमाची
• फणसराई
• उधेवाडी
• भुशी धरण व परिसर
• पवना धरण व परिसर
• तुंगार्ली धरण व परिसर
• मंकी पॉईंट खंडाळा
• घुबड तलाव
• ड्युक्स नोज कुरवंडे
• टायगर पॉईंट
• लायन्स पॉईंट
• शिवलिंग पॉईंट लोणावळा
• घोरावडेश्वर डोंगर
• एकविरा देवी मंदीर वेहेरगाव
• कार्ला लेणी
• भाजे लेणी
• भाजे धबधबा
• आंबेगाव धबधबा
• लोहगड
• विसापूर
• तुंग
• तिकोणा किल्ले
• दुधीवरे प्रतिपंढरपूर मंदीर