पुणे-नाशिक महामार्गावर बेशिस्त वाहनचालकांमुळेच वाहतूक कोंडी

मोशी(पिंपरी) : राष्ट्रीय महामार्ग व मोठ्या प्रमाणावर वाहतूक असलेल्या पुणे नाशिक महामार्गावरील भारतमाता चौकामध्ये बेशिस्त वाहनचालकांमुळेच वाहतूक कोंडी होणे ही लांब पल्ल्याचे प्रवासी व मोशीकरांसाठी नेहमीचीच डोकेदुखी झालेली आहे. 

यामुळे होतेय वाहतूक कोंडी... 

• भारतमाता चौकामध्ये झेब्रा क्रॉसिंग पट्टे नसणे. 
• वाहतूकीचे नियम न पाळणारे बेशिस्त वाहन चालक  रस्त्याच्या मधोमध येऊन थांबणे. 
• वाहतूक नियंत्रक दिवे काही प्रसंगी बंद असणे. 
• ट्रॅफीक वाॅर्डन व पोलीस कर्मचारी यांची वाहतूकीच्या प्रमाणात संख्या कमी असणे.
• श्री नागेश्वर महाराज चौक व भारतमाता चौकापर्यंतचे अंतर कमी असणे. 
• त्यामुळे एका सिग्नलहून सुटताच दुसर्‍या सिग्नलला अडकणे. 
• पुणे-नाशिक महामार्ग व देहू आळंदी बीआरटीएस रस्ता एकाच चौकात एकत्र येणे. 
• मोशी टोल नाक्यावरील वाहनांच्या रांगा येऊन या चौकात थांबणे. 
• वाहतूक कोंडी सोडवण्यासाठी हे होणे अपेक्षित आहे...
• या चौकातील चारही रस्त्यांवर चौकामध्ये झेब्रा क्रॉसिंग पट्टे मारणे. 
• वाहतूकीच्या वेळी चारही रस्त्यांवर ट्रॅफिक वॉर्डन व वाहतूक पोलीस कर्मचाऱ्यांची संख्या वाढवून नियुक्ती करणे. 
• झेब्रा क्रॉसिंग ओलांडून पुढे आलेल्या वाहनांवर कारवाई करणे. 
• विरुद्ध दिशेने आलेल्या वाहनचालकांवर कारवाई करणे. 
• स्थानिक सामाजिक संस्था व गृहनिर्माण सोसायटी यांचे सहकार्य घेऊन चौकामध्ये स्वयंसेवकांची नियुक्ती करणे.
• लांब पल्ल्याच्या वाहनांना उजव्या बाजूने जाण्यासाठी बॅरीकेट्स लावून मार्गीका तयार करणे.

''प्रशासन व स्थानिक सामाजिक संस्था यांच्या समन्वयाने विविध मार्गांचा अवलंब करत या भारतमाता चौकातील वाहतूक कोंडी सुरळीत केली जाऊ शकते व आम्हा लांब पल्ल्याच्या प्रवाशांना वेळेत प्रवास उरकू शकतो.''
- रमेश थोरवे, वाहनचालक. नाशिक.