सारंग खानापूरकर
अफगाणिस्तानमधील परिस्थितीमुळे जगाचे सर्व लक्ष या देशाकडे आणि एकूणच दहशतवादाच्या मुद्याकडे खेचले गेले असले तरी जगात केवळ हाच एक संघर्षग्रस्त भाग नाही. आधीच गरिबीने पिचलेल्या आफ्रिका खंडातील अनेक देशांमध्ये संघर्षाची आणि तणावाची स्थिती आहे. जगाच्या एक सप्तमांश लोकसंख्या असलेल्या या खंडात विस्थापितांचे प्रमाण सर्वाधिक आहे. या खंडाचा विकास दर पाच टक्क्यांपेक्षाही कमी असूनही विकसित देशांचे त्यांच्याकडे लक्ष नाही. केवळ भूराजकीय फायदा असलेल्या देशांकडेच लक्ष देण्याच्या आणि तेथील राजकारणात हस्तक्षेप करण्याच्या त्यांच्या धोरणांमुळे आफ्रिका खंड आणि तेथील अराजकता दुर्लक्षित राहिली आहे. या खंडातील संघर्षग्रस्त देशांमधील परिस्थितीचा हा थोडक्यात आढावा :