पुण्यातील पर्वतीमध्ये 10 व्हीव्हीपॅट बदलले

पुणे : पर्वती विधानसभा मतदारसंघातील 204 मतदान केंद्रातील 10 व्हीव्हीपॅट 
आत्तापर्यंत बदलले आहेत. सकाळी 9 ते दुपारी 1 दरम्यान मतदानाचा टक्का वाढल्याचे अनेक मतदार केंद्रावर पाहायला मिळाले. या ठिकाणी एक वाजेपर्यंत 24% मतदान झाले आहे.

अरण्येशवरमधील अध्यापक महाविद्यालय मतदान केंद्रात मतदारांना ये-जा करण्यासाठी व शेवाळ्यामुळे कोणती दुर्घटना होऊ नये म्हणून ग्रीन कार्पेट टाकण्यात आले आहे. सकाळी या ठिकाणी 8 मतदार पडले त्यातील एका जेष्ठ नागरिकांच्या डोक्याला मार लागला आहे. तर विद्याविकास शाळेतील केंद्रात एक मतदार चित्रीकरण करत असल्याचे कर्मचाऱ्यांच्या निदर्शनास आले. कर्मचाऱ्यांनी त्याला ताब्यात घेऊन समज देऊन सोडून दिले.

शिंदे हायस्कूलमधील एका मशीनची बॅटरी संपल्याने काही काळ मतदानची प्रक्रिया थांबली होती. बॅटरी बदलल्यानंतर पुन्हा मतदान सुरू झाले आहे.